Mae’n ofyniad dan Ddeddf Llywodraeth Leol ac Etholiadau (Cymru) 2021 fod cynghorau yn parhau i adolygu eu perfformiad drwy hunanasesiad, gyda’r angen i gyhoeddi adroddiad yn cyflwyno casgliadau’r hunanasesiad unwaith bob blwyddyn ariannol.
Hwn yw adroddiad hunanasesiad ail Cyngor Bwrdeistref Sirol Blaenau Gwent ar gyfer blwyddyn 2022/23. Ffocws yr hunanasesiad yw Cynllun Corfforaethol y Cyngor a rhoi asesiad o ba mor dda y mae’r Cyngor yn teimlo iddo gyflawni ei Amcanion Llesiant, a amlinellwyd yn y Cynllun Corfforaethol, a lle mae angen gwelliant pellach.
I fod yn gydnaws â gofynion Deddf Llesiant Cenedlaethau’r Dyfodol (Cymru) 2015, mae’r Cyngor hefyd wedi rhoi asesiad ar egwyddor datblygu cynaliadwy, 7 maes corfforaethol cynllunio a’r nodau llesiant.
Datblygwyd yr hunanasesiad hwn ar adeg penodol ac mae’n cynnwys yr wybodaeth oedd ar gael bryd hynny. Mae ymagwedd y Cyngor at hunanasesiad yn broses adolygu barhaus a hyblyg a chaiff yr asesiad ei ddiweddaru fel a phan y daw mwy o wybodaeth ar gael. Mae’r Cyngor hefyd yn cydnabod y bydd y broses hunanasesu yn esblygu dros gyfnod i ddiwallu gofynion Deddf Llywodraeth Leol ac Etholiadau (Cymru) 2021 a chaiff y trefniadau ei diwygio fel sy’n briodol wrth symud ymlaen er mwyn cael rhaglen effeithlon o adolygu a gwerthuso yn ei lle i herio effeithlonrwydd y gwasanaethau a ddarperir. Fel rhan o’r broses hon, mae’r Cyngor yn rhagweithiol wrth hyrwyddo a chymryd rhan mewn gweithgareddau cyfranogiad ac ymgysylltu gyda gwahanol grwpiau a’r gymuned. Mae tystiolaeth o’r gweithgaredd hwn i’w gweld ledled y ddogfen a chynhelir gwaith pellach drwy gydol y flwyddyn i ymestyn ein cyrraedd a hyrwyddo tryloywder.
Fel cyngor gweithiwn i ddull ‘Un Cyngor’ a chaiff hyn ei weld drwy’r ddogfen i gyd gyda gwahanol enghreifftiau a thystiolaeth o weithgaredd yn mynd dan nifer o flaenoriaethau a themâu strategol. Caiff cynnydd a heriau eu dynodi ym mhob rhan o’r ddogfen hefyd. Lle cafodd her ei hadnabod, dynodwyd cam gweithredu cyfatebol i’w weithredu dros y flwyddyn i ddod.