Sefydlu
Bydd yr holl gyflogeion newydd yn derbyn Gwybodaeth Sefydlu Corfforaethol ac Adrannol. Bydd eu fformat yn amrywio yn dibynnu ar natur y swydd y cawsoch eich penodi iddi.
E-ddysgu
Mae gan y Cyngor lwyfan e-ddysgu sydd â llawer o adnoddau hyfforddiant a datblygu ar gyfer staff. Mae ar gael o unrhyw ddyfais gyda chysylltiad ‘r rhyngrwyd ac yn addasu’n awtomatig i liniaduron, dyfeisiau llechen a ffonau clyfar felly gellir eu cael ar y ddyfais a ddewiswch chi ar adeg sy’n gyfleus i chi.
Cyfnod Prawf
Bydd cyfnod prawf ar gyfer pawb sy’n ymuno o’r newydd â gwasanaeth yr Awdurdod. Ar ddiwedd hynny, yn ddibynnol ar adroddiad boddhaol gan y Rheolwr, byddwch yn derbyn cadarnhad ysgrifenedig o’ch penodiad. Mewn rhai amgylchiadau, gall y cyfnod gael ei ymestyn lle nad yw unigolion wedi dangos eu haddasrwydd ar gyfer y swydd.
Sianeli cyfathrebu staff
Mae nifer o sianeli cyfathrebu yn bodoli i ymgysylltu gyda staff:
- Neges y Prif Weithredwyr (e-bost bob 3 wythnos)
- Bwletin Dydd Mercher Llesiant (e-bost wythnosol)
- Negeseuon e-bost pob staff (dyddiol)
- Cylchlythyr staff (e-bost chwarterol)
- Briff Rheolwyr (e-bost chwarterol)
- Mewnrwyd
- Facebook Staff (dyddiol)
- Cyfarfodydd tîm a sesiynau gwybodaeth (misol wyneb yn wyneb a rhithiol)
- Sioeau teithio staff (ad hoc)
Dogfennau Cysylltiedig
