Cwrt Mytton

Cyfleusterau

• Mae Cwrt Mytton yn gartref Gofal Preswyl Dementia Gwasanaethau Cymunedol ar gyfer pobl dros 55 oed sydd wedi cael diagnosis o ddementia.
• Dyluniwyd yr adeilad i wneud bywyd yn ddymunol ac yn gyfleus i breswylwyr a'u hymwelwyr ac i ddarparu ar gyfer anghenion newidiol ein trigolion.
• Mae'r cartref wedi'i leoli oddi ar Alma Street, yn agos at ganol tref Abertyleri.
• Mae yna 26 o ystafelloedd parhaol. Mae'r rhain yn cynnwys ystafelloedd sengl gyda chyfleusterau en-suite neu unedau ymolchi, a chyfleusterau toiled cyfagos.
• Mae gan bob casgliad o ystafelloedd ei ystafell ymolchi ac ystafell gawod ei hun, sydd wedi'u haddasu i ddiwallu ystod o anghenion corfforol, gan ddarparu diogelwch, preifatrwydd a chysur.
• Mae'r lolfeydd cymunedol, yr ystafell fwyta a'r gegin wedi'u lleoli yn ardal ganolog y Cartref, gyda lolfeydd llai ar gael i breswylwyr sydd eisiau gofod llai, tawelach.
• Mae gennym ystafell weithgareddau, gyda bar, bwrdd pŵl, ping pong, dartiau, cyflenwadau crefft a gemau i breswylwyr ac ymwelwyr eu mwynhau
• Mae gan breswylwyr fynediad at iardiau mewnol ac fe'u hanogir i gymryd rhan mewn gweithgareddau awyr agored gan gynnwys garddio a gemau.
• Mae system alw/larwm ym mhob ystafell.
• Mae lolfa ymwelwyr ar gael gyda chyfleusterau gwneud te/coffi a mynediad i iard fewnol.

Staff

• Mae yna dîm profiadol iawn o swyddogion gan gynnwys Rheolwr Cartref Cofrestredig, Rheolwyr Tîm Cynorthwyol, Arweinwyr Tîm, Gweithwyr Gofal, Cynorthwywyr Domestig, Cynorthwywyr Golchi Dillad a Chogyddion.
• Mae staff yn cael hyfforddiant ar gyfer tasgau maen nhw'n eu cyflawni ac yn cael cyfleoedd hyfforddi pellach i ddatblygu eu sgiliau.

Gwasanaethau

• Gofal hirdymor: 26 o leoedd ar gael.
• Gofal byrdymor: 2 o leoedd ar gael.
• Mae staff yn cynnig help gyda'r holl ofal personol, ymdrochi, golchi, eillio a gwisgo.
• Darperir gwasanaeth golchi dillad a bydd staff hefyd yn gwnïo a thrwsio.

Gofal Meddygol

• Gallwch barhau i ddefnyddio gwasanaethau eich meddyg (Meddyg Teulu) os gallant ddarparu gwasanaeth i chi yn ardal Abertyleri.
• Mae gan Gwrt Mytton berthynas waith gref gyda'n meddygfeydd teulu lleol.
• Gall nyrsys sy'n gweithio yn y gymuned ac ymgynghorwyr arbenigol ymweld â'r cartref, os oes angen.

Prydau Bwyd a Gwasanaethau Eraill

• Mae gennym dîm cegin ymroddedig o gogyddion, a chynorthwywyr cegin, sy'n gwneud prydau cartref maethlon bob dydd.
• Rydym yn cynnig dewisiadau ar fwydlen mewn lleoliad tebyg i gaffi yn yr ystafell fwyta. Os byddai’n well gan breswylwyr gael ychydig o dawelwch, rydym hefyd yn cynnig bwyd yn y lolfeydd llai.
• Darperir ar gyfer dietau arbennig a dewisiadau personol.
• Mae gwasanaethau eraill yn cynnwys ymweliad ddwywaith yr wythnos gan weithiwr trin gwallt sydd â ffioedd rhesymol iawn.
• Gall staff gefnogi gydag ymweliadau ag ysbytai, ciropodyddion, deintyddion ac ati, os oes angen.
• Mae'r cartref yn cael ei redeg yn ddemocrataidd fel bod pawb yn cyfrannu ac yn rhannu unrhyw benderfyniadau.

Taliadau

Maent wedi'u gosod yn ôl fformiwla y cytunwyd arno yn genedlaethol.

Cysylltiadau Cymunedol

Mae gan Gwrt Mytton gysylltiadau cymunedol cryf ag ysgolion a cholegau lleol, a grwpiau crefyddol lleol.  

Ein nod yw teilwra mynediad cymunedol i bob preswylydd, ei anghenion, ei ddewisiadau a'i alluoedd unigol a chefnogi preswylwyr i gael mynediad at gymunedau drwy ymweld â siopau, parciau a mannau gwyrdd a chymryd rhan mewn digwyddiadau cymunedol.   

Nod

Ein nod yw darparu gofal preswyl 24 awr o ansawdd uchel i bobl dros 55 oed sydd â dementia tra'n cefnogi a chynnal eu hannibyniaeth a'u dewisiadau.

Gweithgareddau

Mae'r holl weithgareddau yn y Cartref yn cael eu dewis ar y cyd gan breswylwyr a staff.

Fe'u trefnir ar gyfer grwpiau neu ar gyfer unigolion ac maent yn cynnwys:

• Cyngherddau.
• Corau.
• Dominos, cardiau a gemau bwrdd.
• Dartiau, bingo, posau a chrefftau.
• Barbeciws.
• Partïon haf, Nadolig a phen-blwydd.
• Nosweithiau fideo.
• Cysylltiadau ag ysgolion a cholegau lleol
• Mynediad cymunedol i drefi lleol, mannau hardd lleol, parciau, canolfannau siopa, sioeau, cyngherddau, bwytai a thafarndai.

Ffynonellau Cymorth

Os hoffech ymweld â Chwrt Mytton i gael rhagor o wybodaeth, cysylltwch â:

Cwrt Mytton
Alma Street
Abertyleri
NP13 1QA

Ffôn: (01495) 217736