Mae Cyngor Blaenau Gwent am roi grantiau o £1,000 i ddioddefwyr llifogydd yn dilyn Storm Bert. Bydd y Cynllun Grant Adfer Llifogydd ar gael i drigolion sydd wedi dioddef llifogydd mewnol o ganlyniad i’r storm ddiweddar.
Meddai’r Cynghorydd Helen Cunningham, Arweinydd Dirprwy ac Aelod Cabinet dros Le a’r Amgylchedd:
“Rydw i wedi bod allan mewn cymunedau sydd wedi’u heffeithio gan lifogydd yn ein bwrdeistref ac wedi gweld fy hunain y dinistr aruthrol y mae hyn wedi’i achosi i bobl a theuluoedd, yn enwedig yn y cyfnod cyn y Nadolig. Mae staff y Cyngor yn parhau i fod yn yr ardaloedd yr effeithir arnynt yn cefnogi preswylwyr gyda sesiynau glanhau a gwneud yn siŵr eu bod yn gallu cael mynediad at yr holl gymorth sydd ar gael.
“Bydd ein Cynllun Grant Adfer Llifogydd yn golygu taliad o £1,000 i drigolion cymwys yr effeithir gan lifogydd. Mae hyn yn ychwanegol at gynllun Llywodraeth Cymru a chynlluniau taliadau dewisol a chaledi eraill yr ydym wedi helpu pobl i gael mynediad atynt. Rydym yn parhau i fod yn ymrwymedig i gefnogi ailadeiladu ac adfer ein cymunedau ac rydym yn obeithiol y bydd y cynllun grant hwn, ynghyd â’r cymorth arall sydd ar gael, yn helpu i fynd peth o’r ffordd i’w helpu i adfer eu cartrefi a’u heiddo.”
Cynigwyd a chefnogwyd hyn gan aelodau'r Cyngor Llawn heddiw.
Byddwn yn darparu gwybodaeth am gymhwysedd a sut i wneud cais yn fuan.
